Навоий вилояти, Нурота тумани “Сентоб” маҳалла фуқаролар йиғини ҳудудида зарур инфратузилмани барпо этиш,
оилавий меҳмон уйлари фаолиятини ва қўшимча туризм хизматларини йўлга қўйиш ҳамда маҳаллий аҳолини туризм соҳасидаги тадбиркорликка кенг жалб этиш мақсадида “Сентоб” қишлоғига “Туризм қишлоғи” мақоми берилмоқда, деб хабар беради Навоий вилояти Туризмни ривожлантириш ҳудудий бошқармаси.
Навоий вилоятида Туризм қишлоғини ташкил этишдан мақсад ҳудуднинг туризм салоҳиятини янада ривожлантириш, туристлар оқимини янада кўпайтириш, туристларни ҳудуднинг ноёб туристик салоҳияти ва маданий меърос объектлари билан кенг таништириш, сайёҳларга қулай шарт-шароитлар яратиш, ҳудудда замонавий туризм инфратузилмасининг изчил ривожланишини таъминлаш, замонавий талабларга мувофиқ кўрсатиладиган туризм, меҳмонхона ва транспорт хизматлари турларини кенгайтириш, сифатини яхшилаш ҳамда мазкур соҳада фаолият юритиш истагида бўлган тадбиркорлик субъектларига кўмаклашиш, ички туризмни фаоллаштириш, янги иш ўринлари яратишдан иборат деди Навоий вилояти туризмни ривожлантириш ҳудудий бошқармаси бошлиғи Ж.Хасанов.
Навоий вилоятининг саноат салоҳиятини ошириш ва янги иш ўринларини яратиш чора-тадбирлари тўғрисидаги Вазирлар Маҳкамаси қарори лойиҳаси тайёрланиб, кенг жамоатчилик муҳокамасига қўйилди. Унга кўра “Сентоб туризм қишлоғи” ташкил этилиб, тегишли чора-тадбирлар режаси тасдиқланади.