Toshkent viloyatining Bo`ka tumanida qishloq turizmini rivojlantirishda keng ko`lamli ishlar olib borilmoqda

Tadbirkorlik iqtisodiy taraqqiyot mezoni, aholi turmush farovonligining kafolatidir. Ana shunday zamonaviy dunyoqarash va tavakkalchilikka qo'l urganlar bor. Tavakkalchilik deganim yurtimiz iqlimiga , sharoyitiga, qolaversa, begona hayvonni uy sharoyitida xonakilashtirishni nazarda tutdim.

Toshkent viloyati Bo'ka tumanida “Dashtobod” MFY hududida Raxmonov Murtazo bobo xonadonida agroturizm yo'nalishlardan biri bo'lmish, tuyaqushchilik tashkil etilgan. Mahalliy sayyohlar va qo'shni qishloqlardan Afrika qushini ko'rishga , qiziqishga har kuni kelishar ekan. Buni qarangki, Toshkent shahridan MY5 kanali muxbiri Yulduzxon Olimova ushbu yangilikdan xabardor bo’lib, oynayi jahonga olib chiqishni maqsad qilibdi. Ijodiy guruh tasvirga tushirishga kirishib, Murtazo boboni suhbatga chorladi.

- Boqishni boshlaganimga bir yil bo’ldi. Bizning sharoyitga yaxshi ko’nikdi. 6 ta Tuyaqush oldim, har biri 3 kunda 2 ta tuxum qo’yadi. Sotib olish g’oyasi kelganda hamma qarshi bo’lgandi (kuladi). 

Yulduzxonning aytishicha, Afrika qushini ilk bor ko'rishi ekan. Uning tuxumini ko'rib hayratini yashirolmadi va g'ayrati jo'shib, tuxumidan quymoq ham pishirdi.