Aholi orasida Toshkent dengizi nomi bilan mashhur bo‘lgan
Tuyabo‘g‘iz suv ombori Toshkent viloyatining O‘rtachirchiq tumanida joylashgan bo‘lib, poytaxt aholisi va mehmonlarining dam olish maskanlaridan biriga aylangan. Sohil bo‘yida ijaraga olish mumkin bo‘lgan ko‘plab uylar sizning maroqli dam olishingiz uchun xizmat qiladi. Toshkent shahridan Toshdengizgacha 32 km masofa bo‘lgani uchun atigi 30 daqiqalik yo‘l.
Suv ombori juda sayoz, o‘rtacha chuqurligi 12,5 m., qirg‘oqlari esa toshloq. Bularning barchasi yozda suvning +25 darajagacha tez isishiga yordam beradi va bu shubhasiz katta yutuqdir.
Havo juda toza, narxlar esa hamyonbop. Shuning uchun mahalliy sayyohlar dam olishga tez-tez borishadi. Yoz faslida ,asosan, suvda suzishni istagan aholi tashrif buyurishadi.
Dengiz atrofida turizmning ekoturizm va sport turizm turlari jadal rivojlanmoqda. Shuningdek, Toshkent dengizi har qanday baliqchining qalbini zabt eta oladi, chunki uning suvlarida qisqichbaqalar, ilonboshli baliqlar, oddiy sazan, laqqa baliq va boshqa ko‘plab baliqlar yashaydi. Bundan tashqari, suysporti bo’yicha musobaqalar o’tkaziladi. Tuyabo’g’iz suv ombori Toshkent viloyatining Bo’ka, Oqqo’rg’on, O’rta Chirchiq, Quyi Chirchiq tumanlarida sug’oriladigan yerlar suv taminotini yaxshilashga imkon beradi.