Бухоронинг энг олис худудларида этнотуристик қишлоқлар мавжуд.

Маълумки, Бухоро аҳолисининг этник таркиби асосан ўзбек, рус, форс (эронийлар), туркман, тожик, украин, корейс, татар,қозоқ ва бошқаларни ташкил этади.

Меҳмондўст бўлган ўзбек халқи азал-азалдан миллатлараро дўстлик ва тотувлик тарафдоридир. Ушбу қадриятни давом эттирган ҳолда Бухоро вилоятининг энг чекка, 220 км узоқликда жойлашган, қозоқ миллати истиқомат қилувчи қишлоқчани этнотуризм масканига айлантириш учун,Ўзбекистон Республикаси Вазирлар Маҳкамасининг 2020 йил 31 январдаги 14/1-3796-сонли чора-тадбирлар режасининг 12-бандига мувофиқ, Пешкў тумани, Жонгелди МФЙни ЭТНОТУРИЗМГА МОСЛАШГАН МАҲАЛЛА СИФАТИДА барпо этиш, шунингдек, сақланиб қолинган қозоқ миллати урф-одатлари ва анъаналари ҳамда қадриятларини тарғибот этиш мақсадида, вилоят Туризмни ривожлантириш департаменти томонидан тасвирга олиш ишлари амалга оширилди, қолаверса, оилавий меҳмон уйларини ташкил этиш бўйича олиб борилган тарғибот ишлари натижасида, Нишон Жолмирзаев хонадонида биринчи оилавий меҳмон уйи ташкил этиладиган бўлди.

Бухоронинг энг олис қишлоғида жойлашган ва у ерда ташкил этилган меҳмон уйлари этнотуризм учун яна бир дебоча бўлди десак адашмаган бўламиз.

Манба: Бухоро вилоят Туризмни ривожлантириш департаменти матбуот хизмати