Кўҳна Бухоронинг бой сайёҳлик имкониятларини вилоят аҳолиси ҳамда сайёҳларга кенг тарғиб қилиш мақсадида, вилоят Туризмни ривожлантириш департаменти мутасаддилари томонидан турли-туман тарғибот материаллари тайёрланмоқда.
Жумладан, Пешкў туманининг Жонгелди МФЙ ҳақида,у ернинг аҳолиси , этник таркиби, келиб чиқиш тарихи, яшаш тарзи, олис қишлоқда барпо этилаётган меҳмон уйлари ва бошқа қизиқарли маълумотларни акс эттирувчи тарғибот ва тарқатма материаллари яратилди.
Ушбу тағибот материали ўз ичига, этнотуризм бу нима?Бухоро вилоятида этнотуризмнинг ривож топиб бориши, этнотуризмга мослашган маҳалла ва қишлоқлар, Жонгелди овули, этнотуризмга мослашган овул ва маҳалларда қурилаётган меҳмон уйлари, урф-одатлари,қозоқ миллатига хос қадриятлар,қолаверса, этнотуризмга мослашган маҳалла ва қишлоқларда ташкил этилган меҳмон уйларининг тўлиқ рўйхати, этнотуризм масканидаги диққатга сазовор жойлар,Бухоро тарихи, Етти пир, Бухоро яҳудийлари, Бухоро вилояти Марзия МФЙ ҳудудида барпо этилган "Desert Oasis & Spa" туризм кластери, "Ипак ва зираворлар" тадбири ҳақида, Ғиждувон кулолчилик мактаби ҳамда "Ширин" этнотуризм қишлоғи ва у ерда яратилган хизмат турлари борасидаги ранг-баранг материалларни қамраб олган. Материалларнинг бир қисми буклет шаклида яратилди.
Бундай тарғибот материалларининг мунтазам равишда яратилиши ва уларнинг туристик ахборот марказлари ҳамда жойлаштириш воситаларида узлуксиз тарқатилиши орқали, келгусида вилоятнинг туристик хизматларга бўлган талабининг ошишига ва уларни кенг маркетинг қилинишига эришилади.
Вилоят туризмни ривожлантириш департаменти матбуот хизмати