Navoiy viloyatining Qizilqum cho`llarida uchraydigan Qizil kitobga kiritilgan Yo`rg`a tuvaloq qushi noyob qushdir.

Bu qush turnasimonlar oilasiga mansub qushlarning bir turi bo`lib, asosan hasharotlar va qisman o`simliklar bilan oziqlanadi. O`zbekistonda 3 turi to`xtatuvaloq, bizg`atuvaloq, yo`rg`a tuvaloq uchraydi. Bu qushlar ov qushlari qatoriga kiradi. Soni keskin kamayib ketganligi tufayli O`zbekiston Qizil kitobiga kiritilgan.

Shuningdek, Navoiy shaxridan 50 km uzoqligida 300 gektar yer maydonini egallagan Amirliklarning yo`rg`a tuvaloqni asrash markazi joylashgan. Bu markaz 2008 yil tashkil qilingan bo`lib, markazning asosiy maqsadi O`zbekiston Osiyo yo`rg`a tuvalog`ini ko`paytirish hamda asrab avaylash, qushlarni yovoyi tabiatga qo`yib yuborish kabi tadbirlar majmuasidan iboratdir.
Yo`rg`a tuvalog`i ov qushi bo`lganligi uchun ko`pchilikda qiziqish uyg`otgan va ov mavsumida belgilangan tartibda ovlanadi. Ov asosan o`rgatilgan Lochinlar orqali amalga oshriladi. Har yili bu qushlarni ko`paytirish maqsadida Birlashgan Arab Amirligi Qizilqum cho`llariga 500-600 donadan qo`yib yuboriladi. Eng qizig`i Arablar o`zlarining yashash joylarida tabiiy sharoitda tuvaloqlarni o`stirish imkoni bo`lmaganligi bois boshqa davlatlarga, jumladan O`zbekistonga ham ovga keladi. Lochin ovi arablarning Qirollik ovi sanaladi, har yili arab davlatlarida yirik musobaqalar ham o`tkaziladi. Lochin qushi bilan aynan tuvaloqlarni ov qilishdan maqsad ushbu noyob qushning go`shti va suyagi inson salomatligini tetiklashtiradigan, quvvatni oshiradigan xususiyatlarga ega hisoblaydi.

Bugungi kunda dunyo bo`ylab tuvaloqlar harakatini doimiy ravishda kuzatib borish uchun 2ming 600 dan ortiq sun`iy yo`ldosh moslamalari ishlatiladi.

Navoiy viloyati Turizmni rivojlantirish hududiy boshqarmasi.