Etnoturizmni rivojlantirish bo‘yicha xalqaro loyihalar muhokama qilindi
Joriy yilning 10-noyabr kuni Chimboy tumanida Qoraqalpog‘iston Respublikasi Turizm va sport bosh boshqarmasi, Germaniya xalqaro hamkorlik tashkiloti tomonidan va bir qator vazirlik va idoralar hamkorlikda Chimboy tumanida Qoraqalpog‘iston Respublikasida turizm sohasini Muvofiqlashtirish kengashi ishchi guruhining Chimboy tumanida Etnoturizm yo‘nalishini rivojlantirish bo‘yicha uchrashuvi bo‘lib o‘tdi.
Tadbirda Qoraqalpog‘iston Respublikasi Jo‘qorg‘i Kengesi Raisining Madaniyat ishlari bo‘yicha maslahatchisi Gulbaxar Izentaeva, O‘zbekiston Respublikasi Turizm va sport vazirining birinchi o‘rinbosari Ulug‘bek Azamov, Chimboy tumani hokimi o‘rinbosari Azamat Sulaymanov, Qoraqalpog‘iston Respublikasi Turizm va sport bosh boshqarmasi boshlig‘ining o‘rinbosari Bayram Kusekeev, shuningdek, mahalliy hunarmandlar va boshqa bir qator sohaga oid vazirlik va idoralar vakillari ishtirok etishdi.
Tadbirda “Modern plyus” QK loyihalashtirish tashkilot vakili, arxitektor Berdan Dauletbayev tomonidan Chimboy tumaniga kirish qismida turistik selfi obekt, tumandagi Etnokompleks va Milliy qora uylar ustaxonasining barpo etilishi bo‘yicha taqdimotlari o‘tkazildi. Shundan so‘ng xalqaro ekspert, “MASCONTOUR” xalqaro tashkilotining vakili Xendrik Vintxemning taqdimoti o‘tkazildi. Uchrashuv so‘nggida turizm va unga yondosh sohalar va xalqaro ekspertlar tomonidan taqdim etilgan loyihalar bor.
‘
Ta’kidlash joizki, O‘zbekiston Respublikasi Vazirlar Mahkamasining 2021-yil 2-avgustdagi Turizm infratuzilmasini yaxshilash bo‘yicha bayonida Chimboy tumanida Turizm ob’yektlarini tashkil qilish, jumladan, hunarmandlar markazi binosini ta’mirlash va shoirlar xiyobonini tashkillashtirish uchun respublika byudjetidan jami 4 milliarddan ortiq mablag‘ ajratilgan. Bugungi kunda “Modern plyus” QK tashkiloti tomonidan ushbu ob’yektlarning loyihasi ishlab chiqilmoqda.
Ma’lumot sifatida: Joriy yilning 6-oktabr kuni Nukus shahrida Qoraqalpog‘iston Respublikasida turizm sohasini rivojlantirish, jumladan, sohada amalga oshiriladigan ishlar va yuzaga keladigan kamchiliklarni muhokama qilish va ularning yechimi topish yuzasidan Qoraqalpog‘iston Respublikasida turizm sohasini Muvofiqlashtirish kengashi tashkil etish bo‘yicha keng ko‘lamli uchrashuv bo‘lib o‘tdi. Tadbirda Qoraqalpog‘iston Respublikasi Jo‘qorg‘i Kengesi raisining madaniyat ishlari bo‘yicha maslahatchisi Gulbaxar Izentayeva, Qoraqalpog‘iston Respublikasi Vazirlar Kengashi raisining o‘rinbosari - Turizm va sport bosh boshqarmasi boshlig‘i Rasul Zarikeyev, Germaniya xalqaro hamkorlik tashkilotining (GIZ) “ECO-ARAL” loyihasining boshqaruvchisi Paul Shumaxer, Germaniya xalqaro hamkorlik tashkiloti (GIZ) “ECO-ARAL” loyihasining xalqaro maslahatchisi Yulian Felten, Turizm sohasida xalqaro ekspert, “MASCONTOUR” xalqaro tashkiloti vakili Xendrik Vintxen, shuningdek Qoraqalpog‘iston Respublikasida turizm sohasi faoliyati bilan bog‘liq bir qator vazirlik va idoralar, xususiy turistik tashkilotlar va joylashtirish vositalari vakillari, mahalliy hunarmandlar ishtirok etishdi.