Агротуризмни ташкил этишда Британия модели авваламбор туристларни ўзига хос жойлаштириш тизими қизиқтиради. Ушбу жойлаштириш востиларининг классификацияси кейинчалик бошқа Европа мамлакатлари томонидан ўзлаштирилди.

Британия агротуризмида туристлар орасида энг оммабоп яшашнинг учта тури ҳисобланади:
1) фермер хонадонида эрталабки нонушта кўринишида (инглизча farmB&B);
2) ўзига ўзи хизмат қилиш шартларида алоҳида бинода (инглизча selfcateringunit);
3) ётоқхона қисми билан тамаддихона ва ювиниш хоналарига бўлинган, катта омбордан фойдаланиб, ўртача 8-15 туристни сиғдира оладиган ёпиқ бинода (инглизча bunkhouse).
Британия модели турли-туман спорт тадбирларини ўтказиш билан ҳам қизиқарли: пиёда ва велосипедда сайр қилишлар, отларда ва пониларда учиш (болалар учун), футбол, крикет, гольф, ҳамда отда юриш.

Агротуризмни ташкил этишнинг Британия моделида болаларни экологик тарбиялашга эътибор беради:фермаларда маҳсус майдонлар ташкил этилиб, болалар кичик ҳайвонлар: бузоқ, эчки, қўзичоқ ва тойчаларни парвариш қилишади, натижада уларда “кичик дўстлар” га масъулият хисси шаклланади.
Бугунги кунда агроэкотуризмни ташкил этишда мажбурий хизматларга балиқ ови қўшилди. Яна бир янгилик маълум даврнинг тарихий туризм хизматларини кўрсатадиган фермаларнинг пайдо бўлишидир.