Сайёҳлар орасида энг катта ва машҳур табиатни муҳофаза қилиш ҳудуди Угом-Чотқол миллий боғидир. Боғнинг майдони 574,600 гектарни ташкил этади.
Бу ерда сиз нафақат тоғ ўрмонларини, балки тоғ даштини, тоғ ўтлоқларини ҳамда қорли тоғларни ҳам кўришингиз мумкин.
Бу ерда кўплаб ёзги лагерлар, пансионатлар ва дам олиш уйлари жойлашган. Бу ғарбий Тян Шан тоғ тизмалари жойлашган ва бу ерда табиатнинг бетакрор ва мафтункор манзаралари билан танишасиз.
2017йилдан бери Угом-Чотқол миллий боғи Юнесконинг жаҳон мероси рўйхатига киритилди.
Истироҳат боғи ҳудудида ўттиздан ортиқ экотуризм манзиллари ишлаб чиқилган. Угом-Чотқол ўрмон хўжалигида сайёҳларнинг дам олиши учун қулай шароитлар яратилган. Боғда Европа стандардларига мос тоғ-меҳмонхоналар ҳам фаолият олиб бормоқда. Ташриф буюрган ҳар бир сайёҳ табиат манзараларидан баҳраманд бўлиб, аъло даражада ҳордиқ чиқаради. Тоғларнинг ўрта камарида ёнғоқ, олма, олча ва олхўри, арча, қайин, чинор, олма, ёввойи олча ва дўлана, 2000 м га яқин баландликда - арча дарахтзорлари ўсади. Боғда ёввойи тўнғиз, оқ айиқ, бўрсиқ, бўри, тулки, кийик, Сибир тоғ эчкиси ҳам тарқалган, шу жумладан, турли сут эмизувчилар яшайди.
Шунингдек, боғда 200 га яқин турдаги қушлар, жумладан 130 наслдор қушлар қайд этилган. Бу ерда бургут, лочин, бойўғли, каптар ва турли хил қуш турларини кўриш мумкин.
Манба: Тошкент вилояти туризмни ривожлантириш департаменти Ахборот хизмати
